© Dan Castiglia, Bettendorf
Claricello, dat ass eng kleng Musekskëscht mat engem poetesche Mechanismus, dee ganz douce a fäin vun dräi Zwerge verkierpert gëtt. Déi wonnerbar Welt, an déi de Clari, Cello a Leopold, déi dräi musikalesch Zwerge, dat jonkt Publikum féieren, ass fantasievoll a burlesk. Klassesch Musek trëfft hei op Danz, Kierpersprooch a clownesk Elementer. Ob en elo déi éischte Kéier mat Sträich- a Blosinstrumenter a Kontakt ass oder se erëm erkennt, jiddereen huet eppes ze entdecken. Schlussendlech ass kloer, datt et bal näischt gëtt, wat net duerch Kläng a Beweegunge gesot oder verzielt ka ginn.